Մեծի Տանն կիլիկիո կաթողիկոս Արամ Ա-ն շնորհավորական գիր է հղել Սերժ Սարգսյանին՝ Հայաստանի նախագահի պաշտոնում վերընտրվելու կապակցությամբ:
Ուղերձում մասնավորապես ասվում է.
«Վսեմաշուք պարոն նախագահ,
Անհուն ուրախությամբ ողջունում ենք Ձեր վերընտրությունը, որպես Հայաստանի Հանրապետության Նախագահ: Ջերմորեն կը շնորհավորենք Ձեզ, հայրենի մեր սիրելի զավակների` Ձեր անձի նկատմամբ ցուցաբերած այս վստահության համար:
Արդարև, Ձեր նախագահության առաջին շրջանում, հակառակ Հայաստանի դիմագրաված ներքին թե արտաքին բազմաթիվ դժվարություններին, դուքհաջողեցիք Ձեր տքնաջան աշխատանքով, ամուր վճռակամությամբ ու ճկուն քաղաքականությամբ ո՜չ միայն շրջանցել մի շարք դժվարություններ, այլ նաև կարևոր իրագործումներով հարստացնել մեր հայրենիքի արդի պատմությունը: Վստահ ենք, որ Ձեր նախագահության երկրորդ շրջանում ևս պիտի ջանաք լավագույնս արդարացնել մեր ժողովրդի արտահայտած վստահությունը՝ առավել նախանձախնդրությամբ ու ամբողջական հանձնառությամբ կատարելով Ձեզ վստահված առաքելությունը:
Այս առիթով ևս մեկ անգամ կվստահեցնենք, որ մենք անձնապես և Մեծի Տանն Կիլիկիոյ Կաթողիկոսությունը միշտ զորավիգ ու քաջալեր պիտի հանդիսանանք Ձեզ՝ ի խնդիր Հայաստանի պետության հզորացման, Հայաստան-Սփյուռք գործակցության առավել սերտացման, Հայաստանի հարատև բարգավաճման և մեր ժողովուրդի արդար իրավունքների վերատիրացման:
Աղոթում ենք առ Բարձրյալն Աստված, որ Ձեզ պարգևի քաջառողջ կյանք, ամուր հավատք ու աննկուն կամք»:
