Կապանի 38/09 ընտրատեղամասում 22-22:30-ի սահմաններում ավարտվեց քվեաթերթիկների հաշվարկման պրոցեսը: Ըստ ամփոփ արդյունքների`1304 ընտրողից այս տեղամասում ընտրությանը մասնակցել է 710 ընտրող:
Թիվ 38/09 ընտրատեղմասում, որտեղ հետևում էինք այդ գործընթացին, առաջատարը Րաֆֆի Հովհաննիսյան է` 417 ձայնով, երկրոդ տեղում Սերժ Սարգսյանն է` 241 քվեով: Հրանտ Բագրատյանի օգտին քվեարկել են ընդամենը 14 քաղաքացի, Անդրիաս Ղուկասյանն ու Պարույր Հայրիկյանը հավաքել են հավասարաչափ քվեներ` յուրաքանչյուրը 7 ձայն, 4 քվե ունի Արման Մելիքյանը, իսկ Վարդան Սեդրակյանին իր ձայնն է վստահել ընդամենը 1 հոգի: Եվս 20 քվեաթերթիկ էլ անվավեր է ճանաչվել:
aravot.am-ը հայտնում է, որ ընտրատեղամասից ներկա գտնվողները պարբերաբար կապվում էին մյուս տեղամասերում գտնվող իրենց գործընկերների հետ, պարզելու թե մյուս տեղամասերում ի՞նչ արդյունքներ են առկա: Մի շարք ընտրատեղամասերից հաղորդում էին, որ այնտեղ կրկին առաջատարը Րաֆֆի Հովհաննիսյանն է և Սերժ Սարգսյանի հավաքած քվեները մոտ 100-150-ով զիջում են: Սրանք ոչ պաշտոնական տվյալներ են, պաշտոնական տվյալները կներկայացնենք ձեռքբերելուց անմիջապես հետո:
