Արաբկիրի Վրացական փողոցում գտնվող թիվ 23 մանկապարտեզում կաշառք են բաժանում
Այս մասին Րաֆֆի Հովհաննիսյանի նախընտրական շտաբին է ահազանգել մանկապարտեզի սաներից մեկի ծնողը: Նա փոխանցել է, որ դաստիարակներին հավաքել են Արաբկիրի թաղապետարանում և ասել, որ բաց չեն թողնի, մինչև չապահովեն, որ մանկապարտեզի սաների ծնողները գնան և ընտրեն Սերժ Սարգսյանին:
Հիշեցնենք, որ ՀՀ նախագահի պաշտոնին հավականում է 7 թեկնածու. ՀՀԿ առաջնորդ, Հայաստանի գործող նախագահ Սերժ Սարգսյանը, «Ժառանգություն» կուսակցության ղեկավար Րաֆֆի Հովհաննիսյանը, «Ազատություն» կուսակցության առաջնորդ, նախկին վարչապետ Հրանտ Բագրատյանը, «Ազգայիn ինքնորոշում միավորում» կուսակցության նախագահ Պարույր Հայրիկյանը, «Ռադիո հայ» ընկերության խորհրդի նախագահ, քաղաքագետ Անդրիաս Ղուկասյանը, ԼՂՀ նախկին ԱԳ նախարար Արման Մելիքյանը, և էպոսագետ Վարդան Սեդրակյանը:
Այս ընտրությունները Հայաստանի նորանկախ պատմության ընթացքում 6-րդ նախագահական ընտրություններ են: 1991 թվականին (Լևոն Տեր-Պետրոսյան), 1996 թվականին (Լևոն Տեր-Պետրոսյան), 1998 թվականին (Ռոբերտ Քոչարյան), 2003 թվական (Ռոբերտ Քոչարյան), 2008 թվական (Սերժ Սարգսյան):
