13/13 և 13/12 ընտրատեղամասերում մեծ իրարանցում է, իշխող ՀՀԿ-ն կազմակերպել է մարդկանց ընտրական տեղամասեր տեղափոխելու գործընթաց:
Հիմնականում աշխատում է տաքսի «Սեմյորկան», որի տաքսու վարորդը նեղսրտած պատմեց, որ այլևս չի ուզում մասնակցել այս կապիկությանը, քանի որ վաղ առավոտից իրենք ստացել են հրահանգ, որ համայնքի բնակիչներին պետք է տեղափոխեն ընտրատեղամաս, և չի հիշում՝ քանի անգամ է եկել այդ տեղամաս: Մեր թղթակիցը ականատես է եղել, թե ինչպես է վրդովել վարորդը և պահանջել, որ իրեն փոխարինող ուղարկեն:
Հիշեցնենք. Հայաստանի նախագահի պաշտոնին հավականում է 7 թեկնածու. ՀՀԿ առաջնորդ, Հայաստանի գործող նախագահ Սերժ Սարգսյանը, «Ժառանգություն» կուսակցության ղեկավար Րաֆֆի Հովհաննիսյանը, «Ազատություն» կուսակցության առաջնորդ, նախկին վարչապետ Հրանտ Բագրատյանը, «Ազգայի ինքնորոշում միավորում» կուսակցության նախագահ Պարույր Հայրիկյանը, «Ռադիո հայ» ընկերության խորհրդի նախագահ, քաղաքագետ Անդրիաս Ղուկասյանը, ԼՂՀ նախկին ԱԳ նախարար Արման Մելիքյանը և էպոսագետ Վարդան Սեդրակյանը:
Այս ընտրությունները Հայաստանի նորանկախ պատմության ընթացքում 6-րդ նախագահական ընտրություններ են՝ 1991 թվականին (Լևոն Տեր-Պետրոսյան), 1996 թվականին (Լևոն Տեր-Պետրոսյան), 1998 թվականին (Ռոբերտ Քոչարյան), 2003 թվականին (Ռոբերտ Քոչարյան), 2008 թվականին (Սերժ Սարգսյան):
