Մոտ 72 մլն եվրո արժողությամբ 1 800 ոսկե սալիկ են տարել Թունիսից Թուրքիա և ԱՄԷ 2011-ի հունվարին երկրում նախկին նախագահ Զին ալ-Աբիդինա բեն Ալիի վարչակարգի անկումից հետո: Ոսկին մեկ տարուց ավելի օրինականորեն տեղափոխել են Փարիզի Օռլի և Շառլ դը Գոլ օդանավակայաններով,- հայտնում է ITAR-TASS-ը:
Փոխադրումներն իրականացրել է 150 մարդ շաբաթական 2-5 անգամ: Սկզբում ֆրանսիական անցակետերի աշխատակիցներն ուշադրություն չեն դարձրել տեղափոխողների վրա, բայց երբ փոխադրվող ապրանքի չափը հասել է 1,000 սալիկի, դրանցով հետաքրքրվել են ահաբեկչության դեմ պայքարի խմբի աշխատակիցները: Ֆրանսիայի անցակետային ծառայությունում տեղի ունեցածը չեն մեկնաբանում, իսկ բյուջեի նախարար-պատվիրակ Ժերոմ Կայուզակը հայտարարել է «իրավիճակը պարզաբանելու անհրաժեշտության մասին»:
