Սիրելի մարդուց բաժանվելու զգացողությունը նման է այն զգացողությանը, որ ունենում են թմրանյութից կամ ալկոհոլից հրաժարված մարդիկ: Այդպիսի եզրակացության են հանգել գիտնականները:
Իրենց ուսումնասիրությունների համար գիտնականներն օգտագործել են մագնիսա-ռեզոնանսային տոմոգրաֆիան, որպեսզի ստուգեն այն մարդկանց ուղեղի ակտիվությունը, ովքեր վերջերս բաժանվել են իրենց սիրելիներից: Սիրելիի լուսանկարը տեսնելուց հետո ակտիվացել են մասնակիցների ուղեղի այն հատվածները, որոնք պատասխանատու են վերահսկողության և փոխհատուցման համար, ինչպես նաև ցանկության և կախվածության:
Երբ մասնակիցներին ցույց են տվել անծանոթ մարդկանց լուսանկարները, նմանատիպ ոչ մի փոփոխություն չի գրացվել, տեղեկացնում է Raut-ը:
Ուսումնասիրություններին մասնակցած կամավորները խոստովանել են նաև, որ ազատ ժամանակի 85%-ը ծախսում են իրենց մերժած մարդու մասին մտածելու վրա, ուստի զարմանալի չէ, որ նրանք այդքան տարված են իրենց կրքի առարկայով:
Այդ զգացողությունները նման են թմրամոլի կամ ալկոհոլ օգտագործողի այն զգացողություններին, երբ նրանց զրկում են իրենց կյանքում ամենակարևոր բանից:
