Այսօր Բեռլինի կինոփառատոնի գլխավոր հերոսներ են դարձել Էմմա Սթոունը և Նիկոլաս Քեյջը, որոնք ներկայացրել են «Քրուդս ընտանիքը» մուլտֆիլմը:
Այս անիմացիոն պատմության գործողությունները տեղի են ունենում նախապատմական ժամանակաշրջանում: Համայնքի ղեկավար Քրագը երկրաշարժի պատճառով ստիպված է լինում լքել հարազատ վայրերը և ընտանիքի հետ նոր բնակավայր փնտրել: Ճամփորդության ընթացքում նա հանդիպում է մի ճանապարհորդի, որը մտադրվում է «խաղալ» նրա՝ առաջնորդի հեղինակության հետ:
Չնայած սյուժեի դրամատիկ ընթացքին՝ մուլտֆիլմը դուր է գալիս ընտանիքի բոլոր անդամներին: Հենց այս մասին են պատմել դերասանները լրագրողներին, իսկ վերջիններս էլ ուրախ էին լսել աստղերին՝ ուշադրություն չդարձնելով, որ Ռայան Ռեյնոլդսը, որը հնչյունավորում էր հերոսներից մեկի ձայնը, այդպես էլ չի կարողացել Կանադայից Գերմանիա հասնել:
