2009-2010 թթ. արտադրված ավտոմեքենաները ճանաչվել են ամենահահուսալի մեքենաները: 2012թ. օգտագործված հինգ ամենահուսալի մակնիշներ են ճանաչվել Lexus-ը, Porsche-ն, Cadillac-ը, Toyota-ն և Scion-ը:
Vehicle Dependability Study հետազոտության համաձայն, որն իրականացվել է J.D. Power and Associates մարքեթինգային ընկերության կողմից, օգտագործված ավտոմեքենաների թվում ամենահուսալի մակնիշներ են ճանաչվել 2009-2010
թթ. արտադրվածները:
Հետազոտողները հարցում են անցկացրել երեք տարվա ավտոմեքենաների 31 հազար սեփականատերերի շրջանում: Ընդհանուր հուսալիությունը որոշվել է 100 մեքենայի դեպքում դրսևորված խնդիրների քանակով (PP100): Որքան քիչ է այդ թիվը, այնքան ավելի լավ է մակնիշի և մոդելի արդյունքը:
Ինչպես հաղորդում է FundsHub տեղեկատվական և վերլուծական կայքը, հետազոտության համաձայն՝ 2012թ. ավտոմեքենաների միջին հուսալիությունը նախորդ տարվա արդյունքը (151 PP100) գերազանցել է 13%-ով և կազմել 132PP100:
Փորձագետները նշել են, որ վերջին չորս տարիների ընթացքում Buick, Cadillac, Ford, Hyundai և Lincoln մակնիշի ավտոմեքենաները աստիճանաբար բարձրացրել են իրենց հուսալիության մակարդակը:
Հուսալիության լավ արդյունքներ է ցուցադրել նաև Toyota Motor-ը: Իրենց դասերում լավագույնն են ճանաչվել Lexus ES 350-ը, Lexus RX 350-ը, Scion TC-ն, Scion ВР-ն, Toyota Prius-ը, Toyota Sienna-ն, Toyota Tundra-ն ևToyota Yaris-ը:
