«Առաջին լրատվական»-ը զրուցել է ՀՀ ԱՆ գլխավոր սրտաբան Համլետ Հայրապետյանի հետ:
–Սիրտանոթային հիվանդությունների երիտասարդացումը շարունակվո՞ւմ է: Այս տարի ի՞նչ վիՃակագրություն ունենք: Ի՞նչ պատկեր է կանխարգելման, բուժման, նաև անհետաձգելի վիրահատությունների առումով:
– Սիրտանոթային հիվանդությունները Հայասանում շարունակում են լինել մահացության հիմնական պատճառը: Մահվան դեպքերի կեսը սիրտանոթային հիվանդություններն են, այդ պատճառով չի պակասում սիրտանոթային հիվանդությունների բուժման և կանխարգելման ակտուալությունը:
Վերջին տասնամյակների ընթացքում նկատվել է նաև այդ հիվանդությունների երիտասարդացում: Դա կապված է մի շարք հանգամանքների հետ. առաջին հերթին՝ 90-ականների սոցիալական պայմանների և, առհասարակ, սթրեսային պայմանների: Միանշանակ, այլ գործոններ ևս նշանակություն ունեն. ոչ ռացիոնալ սնունդը, ապրելակերպը, ոչ լիարժեք, ոչ բավարար առողջապահական մշակույթը:
Կարող եմ ասել, որ սրտի իշեմիկ հիվանդության ամենասուր ձևը՝ սրտամկանի ինսուլտ-ինֆարկտը, երիտասարդացում է ապրել. դա փաստ է: Սրտամկանի ինսուլտ-ինֆարկտով ընդունվում են 20-30, 30-40 տարեկան հիվանդներ: Եվ այդ դեպքերը արդեն հազվադեպ չեն: Կարծում եմ, որ վերջին տարվա ընթացքում սկսված ծրագիրը, մասնավորապես՝ ստենդավորման և վիրահատությունների պետական հովանավորությունը, հնարավորություն կտա նվազեցնել ինչպես հիվանդացությունը, այնպես էլ հաշմանդամությունը այդ հիվանդություններից:
Հարցազրույցն ամբողջությամբ՝ տեսանյութում:
