«Եվրախորհրդարանի ընդունած բանաձևը շատ կարևոր է, ունի քաղաքական նշանակություն, և կարծում եմ՝ այս կարևոր հանգրվանում հայ ժողովրդի համար ԵԽ կողմից կարևոր քայլ էր»,- «Առաջին լրատվական»-ի հետ զրույցում նման տեսակետ հայտնեց թուրքագետ, ՀՀ ԳԱԱ արևելագիտության ինստիտուտի ավագ գիտաշխատող, Ամերիկյան համալսարանի դասախոս Վահրամ Տեր-Մաթևոսյանը՝ հավելելով, որ կան մի շարք խոչընդոտներ, որ կարող են ծագել Հայոց ցեղասպանության վերաբերյալ ԵԽ ընդունած բանաձևից հետո:
«Հասկանալի է, որ թե՛ Եվրոպական խորհրդարանի անդամները, թե՛ այն մարդիկ, որոնք ընդգրկված են եղել այս գործընթացի մեջ՝ ունեցել են իրենց հաշվարկները: Թուրքիայի արձագանքը շատ ավելի կախված էր այն բանից, որ նա պրոցեսից դուրս է մնացել, բայց դա չի համապատասխանում իրականությանը»,- ասաց մեր զրուցակիցը:
Նրա խոսքերով՝ այս բանաձևի ընդունումից հետո Թուրքիան կշարունակի իր քամահրական վերաբերմունքը Եվրախորհրդարանի նկատմամբ:
Վահրամ Տեր-Մաթևոսյանը կարծում է, որ ավելի կարևոր է, թե Հայաստանը ինչ պետք է անի ընդունված բանաձևերի հետ. «Դրական տարամադրություններն ու ֆոնը, որ ստեղծվել են շատ կարևոր են, բոլորը հնարավորություն են, ինչպե՞ս պետք է կարողանա մեր դիվանագիտությունը նյութականացնել դրանք: 100-ամյակը մի փուլ է, որն իր ավարիտն է մոտենում, պարզապես պետք է հստակ ռազմավարություն մշակել հետո»:
Հարցազրույցն ամբողջությամբ՝ մեր տեսանյութում: