Google ընկերությունը թարմացրել է iPhone-ի համար Chrome բջջային բրաուզերը՝ հայտնում է hitech.vesti.ru-ն: Հավելվածի նոր տարբերակն ունի iOS 8 գործառույթների մի քանի հնարավորություն: Նախ՝ հնարավորություն է ստեղծվել նոր որոնումներ բացել և ձայնային որոնումից օգտվել հենց ծանուցումների հարթակում «Այսօր» տեսքից:
Այնտեղ նաև երևում է փոխանակման բուֆերում պատճենված ցանկացած հղում, որոնք հնարավոր է անմիջապես դնել Chrome-ի հասցեների տողում: Երկրորդ՝ բրաուզերն iOS-ում այլ հավելվածների հետ ինտեգրման հնարավորություն ունի: Այդպիսի ընդարձակումներ կարող են լինել, օրինակ, ծածկագրերի մենեջերները՝ 1Password կամ Lastpass:
Բացի դրանից՝ Chrome-ը մի քանի գործառույթ Safari-ից է վերցրել: Այժմ էջը հնարավոր է թարմացնել՝ այն ներքև «ձգելով», իսկ ձախ-աջ տանելով՝ կարելի է փակել կամ նոր էջեր ստեղծել:
