Լեհաստանում ավելի քան 10 հազար մարդ է մասնակցել «Ողջերի երթին», որն անցել է Օսվենցիմ նախկին համակենտրոնացման ճամբարի տարածքով։ Այս մասին հայտնում է DW-ն: Հինգշաբթի օրը Լեհաստանում և Իսրայելում անցկացվել են միջոցառումներ՝ նվիրված Հոլոքսոտի զոհերի հիշատակին:
Օսվենցիմում երթի մասնակիցների թվում եղել են համակենտրոնացման ճամբարի նախկին բանտարկյալներ, կալանավորների սերունդներ, երիտասարդներ՝ 45 երկրից, լեհ դպրոցականներ: Մասնակիցները տխրահռչակ «Աշխատանքն ազատում է» (Arbeit macht frei) գրությամբ մուտքի դարպասների մոտից շարժվել են դեպի նախկին դիակիզարանի շենք:
«Աճող հակասեմիտիզմի ֆոնին Եվրոպայում Երկրորդ համաշխարհային պատերազմի ավարտից 70 հետո մենք պետք է հարցնենք մեզ՝ իսկապե՞ս դասեր քաղել ենք պատմության այդ սարսափելի գլխից»,- epd գործակալությանն ասել է երթի կազմակերպիչներից մեկը՝ Շմուլ Ռոզենմանը:
Միջոցառումը, որի անվանումը նացիստական «մահվան երթի» հականիշն է, անցկացվում է ամեն տարի՝ սկսած 1988 թվականից:
Եվրոպայում նացիոնալ-սոցիալիզմի դարաշրջանում մոտ 6 մլն հրեա է սպանվել: Նացիստական մահվան խոշորագույն Օսվենցիմ ճամբարում 1.1 մլն բանտարկյալ է սպանվել, նրանց մեծ մասը եղել են հրեաներ:
