Քիմ Քարդաշյանի խորթ քույրը՝ Քենդալ Ջենները, պատրաստվում է մասնակցել Անթալիայում կայանալիք նորաձևության ցուցադրությանը:
Թուրքական «Դողան» գործակալության տեղեկություններով՝ 19-ամյա մոդելը բեմ է դուրս գալու հունիսի 9-ին մեկնարկող «Դոսսո Դոսի» նորաձևության ցուցադրության ժամանակ: Քենդալ Ջեններից բացի՝ ցուցադրությանը մասնակցելու են նաև արտասահմանցի այլ մոդելներ:
Թուրքական աղբյուրը, այս տեղեկությունը տարածելով, շեշտում է, որ Քենդալ Ջենները Քիմ Քարդաշյանի խորթ քույրն է:
Քենդալն և Քիմը նույն մորից են, սակայն նրանց հայրերը տարբեր են:
Նշենք, որ թուրքական ամենատարբեր լրատվամիջոցներ մշտապես ուշադրության կենտրոնում են պահում Քիմ Քարդաշյանին, ով, կարելի է ասել, թուրքական մեդիայում ամենահայտնի աստղերից է:
Քարդաշյանի հայաստանյան այցն ակտիվորեն լուսաբանել են մի շարք հեղինակավոր թուրքական թերթեր, հեռուստաընկերություններ, լրատվակայքեր:
