Սննդի մեջ խորոված միս, տոստեր և կարկանդակներ գործածող Ամբեր անունով շունն այնքան էր գիրացել, որ թաթերը չէին կարողանում տանել նրա մարմնի ծանրությունը: Ուստի, նա ստիպված պետք է հարմարվեր պառկած ապրելակերպին:
Մինչև 18 ամսական Ամբերը մեծացել է բոլոր նորմալ շների պես, սակայն նրա վարքագիծը փոխվել է, և նա դարձել է քմահաճ:
Ամեն ինչ ավելի բարդացել է, երբ նրա տիրուհին՝ 49-ամյա Շարոն Լոուրին սկսել է աշխատել: Շունն իր դայակից մշտապես նրբերշիկ և խոզապուխտ է պահանջել, իսկ վերջինս չի մերժել:
Երբ տիրուհին նրան տարել է անասնաբույժի մոտ՝ եղունգները կտրելու, անզգայացումից արթնանալով՝ շունն այլևս չի կարողացել ոտքի կանգնել, ողերը չեն դիմացել չափից ավել քաշին:
Բժիշկներն արձանագրել են, որ վնասվել է խաչաձև հյուսվածքը, սակայն հրաժարվել են վիրահատել, մինչև շունը նորմալ քաշ չունենա: Այդ ժամանակ Ամբերը կշռել է 32 կգ։
Տիրուհու ջանքերով 11 ամիս անց շունը կշռել է 15 կգ: Իսկ վիրահատություն այլևս պետք չի եղել, քանի որ վնասվածքը բուժվել է:
