Աշխարհում խոշորագույն Google որոնողական համակարգը հատուկ դուդլով է նշել բոլոր սիրահարների տոնը՝ Սուրբ Վալենտինը՝ հայտնում է RIA Novosti-ն:
Հատուկ փետրվարի 14-ի համար Google-ն ստեղծել է ինտերակտիվ դուդլ՝ նվիրված միաժամանակ և Սուրբ Վալենտինի օրվան, և առաջին Սատանայի անիվը ստեղծողին՝ Ջորջ Ֆերիսին:
Որոնողական համակարգի գլխավոր էջին օգտատերը կարող է տեսնել զվարճանքների վիրտուալ այգի, որոնցից յուրաքանչյուրի վրա առկա են Google-ի անվանման տառերը:
Լոգոտիպում կենտրոնական տեղ են զբաղեցնում երկու անիվները՝ O տառի տեսքով: Կոճակները սեղմելու դեպքում երկու անիվները սկսում են պտտվել, որոնց կենտրոնում հայտնվում են տարատեսակ կենդանիներ, որոնք մարմնավորում են սիրահար զույգերի, օրինակ՝ գորտ և աղավնի, ութոտնուկ ու սագ, ճագր ու կրիա: Ամեն զույգին նվիրվում է նրանց վիրտուալ «ռոմանտիկ հարաբերությունների» նկարների շարք:
Սուրբ Վալենտինի օրը նշվում է ամբողջ աշխարհում՝ փետրվարի 14-ին:
