Ֆրանսիայի նախկին առաջին տիկին Կառլա Բրունի-Սարկոզին ելույթ է ունեցել Սան Ռեմոյում անցկացված էստրադային երգի փառատոնին: Նախկին մոդելն ու երգչուհին ներկայացրել է իր գրած ստեղծագործությունը՝ նվագակցելով ինքն իրեն կիթառի վրա:
Ծագումով իտալուհի, Թուրինում ծնված, սակայն երկար տարիներ Ֆրանսիայում ապրելով՝ ֆրանսուհի դարձած Բրունին, ինչպես միշտ, գրավիչ, համեստ և քչախոս էր: Նա չի ցնցել իր հագուստով՝ բեմ դուրս գալով տաբատով և կոստյումով,- նշում է ИТАР-ТАСС-ը:
Ելիսեյան պալատում անցկացրած ժամանակը Բրունին «հետաքրքիր և հիանալի փորձ է համարել»: Ֆրանսիայի նախագահի պաշտոնից ամուսնու հեռանալուց հետո նա արդեն թողարկել է երգչուհու իր կարիերայում թվով չորրորդ ալբոմը: Իսկ Սան Ռեմոյում ներկայացրած երգը կթողարկվի ապրիլ ամսին:
