Լիբերալ և պահպանողական քաղաքական ուժերի ներկայացուցիչները ռիսկերի գնահատման և որոշումների ընդունման համար կիրառում են ուղեղի տարբեր հատվածներ: Այս մասին հայտնում են բրիտանացի նյարդաֆիզիոլոգները: Նրանց հետազոտության մասին հոդվածը հրապարակվել է PLoS One ամսագրում:
Գիտնականների կարծիքով՝ կախված նյարդային բջիջների աշխատանքից, հնարավոր է որոշել մարդու կուսակցական պատականելությունն ու քաղաքական հայացքները: Նման եզրակացության են եկել Դարեն Շրայբերն ու նրա գործընկերները: Նրանք հետևել են ԱՄՆ հանրապետական և դեմոկրատական կուսակցությունների մի քանի ներկայացուցիչների ուղեղի աշխատանքին մոլախաղի ժամանակ:
Խաղի պահանջներին արձագանքման ժամանակ հանրապետականների մոտ առավել ակտիվ է եղել այսպես կոչված՝ նշաձև մարմինը, որը պատասխանատու է սպառնալիքի կամ սթրեսի դեպքում մարդու ռեակցիայի համար, իսկ դեմոկրատների մոտ առավել շատ ազդակներ են գրանցվել այսպես կոչված՝ ուղեղի կղզյակում, որը պատասխատու է սոցիալական վարքի և ինքնազգացողության համար:
Գիտնականները կարծում են, որ աջակցությունն այս կամ այն կուսակցությանը կարող է փոխել ուղեղի աշխատանքը, և այդ էֆեկտը նկատելիորեն ավելի ուժեղ է, քան ուղեղի աշխատանքի՝ գենետիկայով պայմանավորված ունակությունները:
