Ամերիկացի գիտնականները հայտնաբերել են ավելի վաղ անհայտ արևային ակտիվության երկամյա պարբերաշրջան (11-ամյայի հետ համատեղ): Այն կապված է լուսատուի խորքից մագնիսական հզոր դաշտի ելքի հետ դեպի դրա մակերևույթ:
Երբ արևային երկու պարբերաշրջանները հատվում են, առաջանում են Երկրի համար առավել վտանգավոր արևային բռնկումներ: Հետազոտության արդյունքները ներկայացված են Nature Communications ամսագրում:
Այս երևույթի պատճառն այն է, որ մագնիսական դաշտի օղակաձև «գոտիները» դուրս են գալիս Արևի մակերևույթ տախոկլինի միջով, որը բարակ սահման է կոնվեկտիվային ու ռադիացիոն գոտիների միջև:
Արդյունքում՝ արևի վրա առաջանում են տուրբուլենտ գոտիներ, որոնք առաջացնում են արևային բռնկումներ ու զանգվածի կորոնալ արտանետումներ:
Հետազոտողները հուսով են, որ իրենց բացահայտումը կլավացնի Երկրի վրա գեոմագնիսական փոթորիկների կանխատեսումների որակը:
