Պաղեստինյան հասարակության բոլոր շերտերը ներկայացնող 50 կազմակերպություններ, կանանց խմբեր, արհմիություններ, նույնիսկ միջազգային կազմակերպություններ բոյկոտ են սկսել Իսրայելի կողմից իրականացվող ադամանդի առևտրի դեմ: Այս մասին հայտնում է MIGnews.com-ը:
Պաղեստինցիներն ու նրանց կողմնակիցները աշխարհի ոսկերիչներին խղճի դրսևորման կոչ են անում: Սամիր Աբեդ-Ռաբոն, որը հանդիսանում է ադամանդային բոյկոտի համակարգողը, հայտնում է, որ Իսրայելի ադամանդի առևտրի եկամուտը իսրայելական բանակի ֆինանսավորման գլխավոր աղբյուրն է, որը միջազգային իրավապաշտպան կազմակերպությունների և ՄԱԿ-ի մարդու իրավունքների խորհրդի կողմից մեղադրվում է ռազմական հանցագործությունների իրականացման մեջ:
Պաղեստինցիները պահանջում են Իսրայելի ադամանդների դեմ կիրառել «Քիմբերլիի սխեման», որով միջազգային հանրությունը սահմանափակել է աֆրիկյան համակարտության գոտիներից «արյունոտ ադամանդների» առևտուրը:
