Ինչպես երևում է՝ Պամելա Անդերսոնը երբեք չի կարողանա լիովին հանգստանալ սկանդալներից։ Ավելի վաղ այս տարի աստղը երրորդ անգամ հայց էր ներկայացրել դատարան՝ ամուսնալուծվելու իր ամուսին Ռիք Սալոմոնից։
People-ը գրել էր, որ 47-ամյա Պամելան անհանգստացած է և անգամ վախեցած, քանի որ «չգիտի, թե ինչի է ունակ Ռիքն իր հանդեպ»։ Հրատարակությունը վստահեցնում էր, որ ավելի վաղ Անդերսոնն ամուսնու կողմից ենթարկվել է բռնության։
Այդ ժամանակվանից ի վեր ինքը՝ Պամելան, հասցրել է հայտարարել, որ իրենց ամուսնական կյանքում ռոմանտիզմը տեղ չուներ։ Սակայն Ռիքը որոշել է հերքել դա՝ միանգամայն երկիմաստ միջոցով. ինչպես տեղեկացնում է TMZ-ը՝ Սալոմոնը հրապարակել է իր և Պամելայի գաղտնի նամակագրությունը։
Նման շփումը չափազանց բաց է ճանաչվել, որպեսզի հրապարակվի տպագիր մամուլում։ Այնուամենայնիվ, որոշ հաղորդագրությունների տեքստեր տպագրվել են։ «Դու իմ երազանքի տղամարդն ես։ Նույնիսկ փոքր կոպտությունը նրբությունն ավելի նշանակալի է դարձնում»,-Քիքին իբրև թե գրել է Անդերսոնը, իսկ Սալոմոնը նրան պատասխանել է. «Քեզ ավելի շատ եմ սիրում, քան երբևէ սիրել եմ։ Դու այնքան անկուշտ ես, Պամելա»։
Իրավիճակն ավելի է խճճում այն, որ հաղորդագրությունները գրվել են ընդամենը երեք շաբաթ առաջ, ինչպես վստահեցնում է Ռիքը։ Այդ ժամանակ Պամելան արդեն ամուսնալուծության հայց էր ներկայացրել։ Ինքը՝ Անդերսոնը, դեռ որևէ կերպ չի մեկնաբանել իրավիճակը։
