Ջեյմս Քորդոնի հայտնի հեռուստաշոուի ժամանակ Դևիդ Բեքհեմը պատմել է ոչ միայն իր և իր ու տիկնոջ հարաբերությունների մասին, այլև այն մասին, թե ինչպես է դաստիարակում իր որդիներին և ինչ է խորհուրդ տալիս տղաներին, որպեսզի նրանք կարողանան գրավել ապագա ընտրյալների սրտերը։
«Իմ ծնողները, տատիկն ու պապիկն ինձ սովորեցրել են բարեկիրթ ու դաստիարակված լինել։ Դա այն է, ինչ ես ուզում եմ փոխանցել իմ որդիներին։ Ես տղաներին բացատրում եմ, որ կանայք շատ են գնահատում այն, երբ, օրինակ, իրենց համար բացում են դուռը»,- պատմել է Բեքհեմը։
Հայտնի ֆուտբոլիստը նաև խոստովանել է, որ ներկա է եղել իր ավագ որդի Բրուքլինի առաջին հանդիպմանը, ինչը մեծապես կաշկանդել է որդուն, որը նստած էր դահլիճում՝ հեռուստաշոուի ժամանակ։
«Նա 14 տարեկան էր և ասաց, որ ցանկանում է իր ընկերուհուն հանդիպման հրավիրել։ Ես այդ մասին ասացի Վիկտորյային, և նա պայման դրեց, որ նրան կթողնի միայն այն դեպքում, եթե ես նույնպես ներկա կլինեմ նրանց հանդիպմանը ռեստորանում։ Այդպես էլ եղավ։ Բրուքլինը նստած էր սուշի-ռեստորանում, իսկ ես՝ նրանից 5 սեղանիկ այն կողմ»,- ժպիտով պատմել է երջանիկ հայրը։
