Գիտնականները հերքել են կարծիքն այն մասին, որ, այսպես կոչված, իշխող դիրքերը`մարմինը, ձեռքերը և ոտքերը պահելու ձևը, վկայում են մարդու ինքնավստահության մասին: Իրականում դրանք ոչ մի կերպ չեն ազդում ոչ մարդու վարքագծի վրա, ոչ էլ օրգանիզմում նրա հորմոնների մակարդակի վրա: Այս թեմայի շուրջ հոդվածը հրապարակվել է Psychological Science ամսագրում:
Նոր գիտափորձի արդյունքները, որին մասնակցել է 102 տղամարդ և 98 կին, ցույց են տվել, որ իշխող դիրքերը`ձեռքերը գլխի հետևում խաչելը, ոտքը ոտքին գցելը, չեն ազդում մարդու ֆիզիկական դրության վրա: Գիտափորձից առաջ և հետո չափվել է կամավորների մոտ կորտիզոլի և տեստոստերոնի մակարդակը: Այն երկու դեպքում էլ նույնն է եղել: Հոգեբանները, այնուամենայնիվ, պնդում են, որ դրանք որոշակի հոգեբանական ազդեցություն կարող են ունենալ զրուցակցի վրա:
