Հունաստանի կառավարությունը նախապատրաստել է արմատական ծրագիր՝ ուղղված բանկային համակարգի ազգայնացմանը և եվրոյին զուգահեռ արժույթի ներմուծմանը։ Այս մասին գրում է The Telegraph-ը՝ հղում անելով իշխող ՍԻՐԻԶԱ կուսակցության աղբյուրներին։
Այդ ծրագիրը կիրականացվի, եթե Աթենքը չկարողանա պայմանավորվել Եվրոպայի հետ ֆինանսական աջակցության ծրագրի շուրջ։ Այդ դեպքում կառավարությունը գումար չի ունենա սոցիալական պարտականությունների կատարման համար։ Պարբերականը գրում է, որ դա կստիպի իշխանություններին վերադառնալ դրահմայի, որը շրջանառությունից դուրս էր բերվել 2001 թվականին՝ եվրոգոտուն միանալուց հետո։ Հենց դրանով էլ նախատեսվում է վճարել թոշակներն ու աշխատավարձերը։
«Մենք ձախ կառավարություն ենք։ Այժմ մենք երկու հնարավորություն ունենք՝ հայտարարելու դեֆոլտ ԱՄՀ առջև ունեցած պարտքերում կամ սեփական ժողովրդի առջև ունեցած պարտավորություններում։ Մեր ընտրությունն ակնհայտ է»,- նշել է թերթի զրուցակիցը։
