Հիշեցնենք, որ անցած տարի ոստիկանության օրը նշվեց ապրիլի 16-ին, ինչը լրագրողների կողմից ասոցացվեց նույնասեռականների օրվա հետ (իրականում դա այսպես կոչված Լռության օրն է` ընդդեմ սեռական խտրականության և բռնության): Անդրադառնալով դրան՝ շաբաթ օրը լրագրողների հետ Ծաղկաձորում կայացած հանդիպման ժամանակ Ալիկ Սարգսյանը նշեց, որ, ապրիլի 16-ից զատ, ամենամոտ օրը, որը ինչ-որ ձևով առչվում է ոստիկանությանը, ապրլիի 19-ն է, որը առաջին հանրապետության և ոստիկանության մասին ԱԺ կողմից ընդունված ժամանակավոր օրենքի օրն է:
Ինչ վերաբերում է ապրիլի 16-ին, որ իբր թե դա սեռական փոքրամասնությունների օրն է, Ալիկ Սարգսյանը արձագանքեց. «Հարգելի լրագրողներ, ձեր հորդորներից և մի քիչ էլ անիմաստ կասկածներից հետո ես հանձնարարել եմ տարբեր ինտերնետային կայքերը ուսումնասիրել: Մեր ուսումնասիրությունները ցույց տվեցին, որ ապրիլի 16-ը որևէ երկրում որևէ հիշյալ տիպի կազմակերպության հետ երբևէ չի առնչվել: Չգիտեմ՝ դա ում հիվանդ ֆանտազիայի արդյունքն է եղել տարիներ առաջ, ով է որոշել, որ ապրիլի 16-ը կարող է այդպիսի խորհուրդ ունենալ: Ապրիլի 16-ին Ոստիկանության մասին ՀՀ օրենքն է ընդունվել:
Դեռ երեք ամիս առաջ ես նպատակադրվել էի, որ ոստիկանության օրը նշենք ապրիլի 19-ին, նույնիսկ զեկուցել էի նախագահին, խնդրել էի թույլտվություն, որ անցկացվի 19-ին: Բայց նախագահը խնդրեց մեկ անգամ էլ ստուգել: Հերթական ուսումնասիրության արդյունքում էլ մենք նման երևույթ չարձանգրեցինք»,- ավելացրեց Ալիկ Սարգսյանը:
