Ի զորակցություն ողջ հայության և հարգանքի տուրք մատուցելով հայ ժողովրդի կրած մեծ կորստին՝ Orange-ի նախաձեռնությամբ և աջակցությամբ ապրիլ ամսին իրականացվելու են Հայոց Ցեղասպանության 100-րդ տարելիցին նվիրված մի շարք միջոցառումներ:
Միջոցառումների շարքը մեկնարկել է «Դեպի Կանն» հատուկ վիդոմրցույթով, որն Orange-ի կողմից կազմակերպվում է արդեն 6-րդ անգամ: Այս տարի մրցույթը նվիրված կլինի վերջին հարյուրամյակում հայ ժողովրդի ունեցած ձեռբերումներին և կկրի «100 տարվա վերածնունդ » խորագիրը՝ մրցույթի մասնակիցներին հնարավորություն ընձեռելով ներկայացնել իրենց ընտանիքների և հայ ժողովրդի վերածննդի պատմությունը: Orange-ը առավելագույն ջանքեր կգործադրի՝ իր ֆեյսբուքյան էջում մասնակիցների ստեղծագործ աշխատանքների տեսանելիությունը լավագույնս ապահովելու համար: Մրցույթի մանրամասները հասանելի են http://orangearmenia.am/about-orange-armenia/events/armenian-genocide-centennial/ կայքում:
Իր հերթին, Orange Հիմնադրամը կաջակցի Ֆրանսիայում Հայոց Ցեղասպանության 100-րդ տարելիցին նվիրված խոշորագույն երաժշտական նախագծին, որը կազմակերպում է Հայկական Բարեգործական Ընդհանուր Միությունը: Համերգը տեղի կունենա ապրիլի 21-ին, Փարիզի հեղինակավոր Շատլե համերգասրահում, Ֆրանսիայի և Հայաստանի նախագահների բարձր հովանու ներքո: Համերգին կմասնակցեն աշխարհի լավագույն նվագախմբերում հանդես եկող 50 հայ երաժիշտներից բաղկացած և հատուկ այս միջոցառման համար ստեղծված «Armenian World Orchestra» նվագախումբը, ինչպես նաև հռչակավոր Գյուլբենկյան երգչախումբը՝ Հասմիկ Պապյանի (սոպրանո), Նորա Գուբիշի (մեցո-սոպրանո), Լիպարիտ Ավետիսյանի (տենոր), Տիգրան Մարտիրոսյանի (բաս) և այլոց մասնակցությամբ: Երգչախմբի ղեկավարն է աշխարհահռչակ դիրիժոր Ալեն Ալթինօղլուն: Այլ կատարումների շարքում կհնչեն նաև Արամ Խաչատրյանի և Կոմիտասի ստեղծագործությունները: Orange Հիմնադրամի հետ համագործակցության շնորհիվ՝ «Արմենիա TV» հեռուստաընկերության արբանյակային ալիքներով համերգն ուղիղ եթերով կհեռարձակվի եվրոպական երկրներում և Ռուսաստանում, իսկ ապրիլի 24-ին «Արմենիա TV» հեռուստաալիքով` նաև Հայաստանում: Բոլոր նրանք, ովքեր ցանկանում են համերգը դիտել առցանց ուղիղ եթերով, կարող են այցելել www.orangearmenia.am կայք ապրիլի 21-ին, Երևանի ժամանակով ժամը 22:00-ին: Համերգի լրացուցիչ մանրամասները հասանելի են www.awo2015.com կայքում:
«Orange-ը Հայաստանի քաղաքացի է, որն ունի ֆրանսիական արմատներ: Այդ իսկ պատճառով մենք որոշել ենք մեր մասնակցությունն ունենալ Հայոց Ցեղասպանության 100-րդ տարելիցին նվիրված մի շարք միջոցառումներին, այդ թվում` նաև այն նախաձեռնություններին, որոնք արտահայտում են Ֆրանսիայի ժողովրդի զորակցությունը հայ ժողովրդին: Մենք մեր պարտքն ենք համարում աջակցել այս կարևոր նախաձեռնություններին ՝ թույլ տալով մեր բաժանորդներին արտահայտել իրենց զորակցությունը և անմասն չմնալ ինչպես Հայաստանում, այնպես էլ արտերկրում կազմակերպվող միջոցառումներից, որոնք նվիրված են Հայոց Ցեղասպանության 100-րդ տարելիցին », – ասաց Օրանժ Արմենիայի գլխավոր տնօրեն Ֆրանսիս Ժելիբտերը:
Orange-ի կողմից և աջակցությամբ իրականացվող բոլոր նախաձեռնությունների մասնրամասներին կարելի է ծանոթանալ՝ այցելելով http://orangearmenia.am/about-orange-armenia/events/armenian-genocide-centennial կայք:
