2002թ-ին Հայաստանը Ռուսաստանին ունեցած 93 մլն դոլար պարտքի դիմաց վերջինիս հանձնեց «Մարս» ՓԲԸ-ն (գնահատված 56.29 մլն դոլար), «Երևանի մաթեմատիկական մեքենաների գիտահետազոտական ինստիտուտ» ՓԲԸ-ն (2.75 մլն դոլար), «Երևանի ղեկավարման ավտոմատացված համակարգերի ԳՀԻ» ՓԲԸ-ն (3.37 մլն դոլար), Երևանի նյութագիտության ԳՀԻ-ն ՓԲԸ (0.35 մլն) և Հրազդանի ՋԷԿ-ի գույքահամալիրը» (31 մլն): Հանձնման պահին այս 5 ընկերություններից աշխատում էր միայն Հրազդանի ՋԷԿ-ը, որը շարունակում է աշխատել նաև այսօր: Մյուս 4 ընկերությունները չէին աշխատում:
«Մարս» ՓԲԸ-ն 2005թ. որոշ մասնավոր պատվերներ է կատարում\ օգտագործելով ընկերության արտադրական պոտենցիալի մինչև 1%-ը: «ՌԱՕ Մարս» և Երևանի մաթեմատիկական մեքենաների գիտահետազոտական ինստիտուտը 2008թ. ՌԴ կառավարությունը հավատարմագրային կառավարման հանձնեց ռուսական «Սիտրոնիքս» ընկերության հայաստանյան «Սիտրոնիքս Արմենիա» ընկերությանը։ Հենց այս ընկերության առաջարկով է, որ կառավարությունը նախատեսում է «Մարս» գործարանում ստեղծել ազատ տնտեսական գոտի:
