Philips-ը նոր հեռախոս է ներկայացրել՝ Xenum E311, որը խոստանում է հեշտացնել տատիկների ու պապիկների հետ շփումը: Այս մասին հայտնում է hitech.vesti.ru-ն:
Նորույթը «տարեցների համար հեռախոսներին» բնորոշ բոլոր առանձնահատկություններն ունի: Գլխավորը՝ շատ մեծ կոճակներն են, որոնք սեղմելիս տարեցները դժվար թե վրիպեն: Կա հավաքված թվերը հնչեցնելու գործառույթ: Դիսփլեյը շատ մեծ չէ (2,4 դյույմ, 320 x 420 պիքսել), սակայն էկրանի տառատեսակները շատ մեծ են: Բացի դրանից՝ ցանկացած պահի հնարավոր է ակտիվացնել հատուկ «խոշորացույցը», որը մեծացնում է էկրանի առանձին տարրերը:
Սպասման ռեժիմում Philips-ում խոստանում են երկու ամսվա աշխատանք առանց լիցքավորման, խոսակցության ռեժիմում հեռախոսը մոտ մեկ օր կմնա:
Որոշ տարեց մարդիկ լսողության հետ կապված խնդիրների պատճառով պարզապես չեն լսում հեռախոսի զանգի ձայնը: Դրանից խուսափելու համար E311-ում շատ բարձր դինամիկ է օգտագործվում: Նոր հեռախոսն առանց ականջակալների ռադիո լսելու համար ներդրված ալեհավաք ունի: Նաև հզոր լապտեր կա, որը միանում է կորպուսի վրայի առանձին կոճակով: Այն աշխատումէ ոնւյնիսկ եթե հեռախոսն անջատված է (բայց մարտկոցը լիցքավորված է):
Հեռախոսը նաև խուճապի կոճակ կա: Կրիտիկական իրավիճկի դեպքում այն ավտոմատ կերպով զանգում է հեռախոսի հիշողության մեջ ավելացված 3 համարներին: Եթե համարն անհասանելի է, հաղորդագրություն է ուղարկվում: Հեռախոսը միաժամանակ SIM-ով է աշխատում: Սարքը վաճառքի կհանվի ապրիլին:
