ԱՄՆ-ում «Նեմո» անունը կրող փոթորկի հետևանքով զոհերի թիվը կրկնակի մեծացել է: Ընդհանուր առմամբ՝ Հյուսիսային Ամերիկայի հյուսիս-արևելքին տեղումների հետևանքով զոհվել է 15 մարդ՝ հաղորդում է Associated Press-ը:
Փետրվարի 10-ին ավելի քան 220 հազար տուն ԱՄՆ-ում ու Կանադայում մնացել են առանց էլեկտրաէներգիայի՝ գրում է USA Today-ը:
Դրանց մեծ մասը՝ 180 հազար տուն, գտնվել է Մասաչուսեթս նահանգում: Տարածաշրջանի իշխանությունները ենթադրում են, որ ամբողջությամբ էլեկտրաէներգիան կվերականգնվի միայն վաղը:
Հիդրոօդևութաբանների կանխատեսմամբ՝ ԱՄՆ-ում եղանակը կտաքանա, և անձրև կտեղա: Թեև դա կօգնի ձյան հալոցքին, սակայն մյուս կողմից՝ այն տանիքները, որոնց վրա գտնվում է մեծ քանակությամբ ձյուն, կարող են փլուզվել:
Հիշեցնենք, որ նախօրեին ԱՄՆ 5 նահանգներում՝ Նյու Յորք, Մասաչուսեթս, Կոնեկտիկուտ, Մենե ու Ռոդ Այլենդ, հայտարարվել էր արտակարգ դրություն:
Ներկայում հաղորդվում է, որ Բոստոնի ու Նյու Յորքի օդանավակայանները աստիճանաբար վերսկսում են աշխատանքը:
Ամերիկացի հիդրօդերևութաբանները «Նեմոն» համարում են ուժեղագույնը վերջին 35 տարում երկրի հյուսիսարևելյան շրջանում եղած փոթորիկներից:
