Հռոմի պապի կամավոր որոշումը կապված է տարիքի հետ, որի պատճառով նա բավարար ուժ չի ունենում հրապարակային ելույթների համար: Այս մասին ասվում է Վատիկանի տարածած Բենեդիկտոս 16-րդի հայտարարության մեջ՝ տեղեկացնում է RBK-ն:
«Այդ իսկ պատճառով՝ խորապես գիտակցելով այդ արարքի լրջությունը, ես հայտարարում եմ, որ ինքնակամ հրաժարվում եմ Հռոմի եպիսկոպոսի տիտղոսից՝ Սուրբ Պետրոսի իրավահաջորդից».- նշվում է հաղորդագրության մեջ:
«Թանկագին եղբայրներ, անկեղծորեն շնորհակալություն եմ հայտնում ձեզ ձեր սիրո ու այն աշխատանքի համար, որով դուք ինձ աջակցել եք իմ ծառայության ընթացքում և ներողություն եմ խնդրում ձեզնից իմ բոլոր թերությունների համար»,- հայտարարել է Հռոմի պապը:
Հիշեցնենք, որ նա իր լիազորությունները կդադարեցնի 2013թ. փետրվարի 18-ին:
Վատիկանում նշվում է, որ Բենեդիկտոս 16-րդի հաջորդը կընտրվի առավելագույնս կարճ ժամկետում:
Հռոմի ներկայիս պապը (Յոզեֆ Ռատցինգերը) ծնվել է 1927թ. ապրիլի 16-ին:
