Շվեյցարացի օդաչու Էրիկ Գիյուն թեթև շարժիչով ինքնաթիռով փորձել է շրջագայել երկրագնդով մեկ, սակայն վթարի է ենթարկվել։
Ինքնաթիռը, որում միայն 62-ամյա օդաչուն է եղել, մխրճվել է Կոտոպախի հրաբխի լանջը։ Վթարը տեղի է ունեցել դժվարանցանելի վայրում: Գիյուին որոնելու էին մեկնել 16 էկվադորյան զինծառայողներ, տեղեկացնում է InterAksyon-ը։
Դեղագործական ընկերության սեփականատեր Էրիկ Գիյուն որոշել էր մեկնել շուրջերկրյա ճամփորդության՝ ի հիշատակ օդային աղետի հետևանքով զոհված իր ընկերոջ։ Դրա համար շվեյցարացին չորս տարի առաջ գնել էր թեթև շարժիչով ինքնաթիռ։ Նա պատրաստվում էր ամբողջ երկիրն անցնել 20 ամսվա ընթացքում, իսկ դադարներ տալ աշխարհի 34 երկրում։ Ընդհանուր առմամբ նրա ճանապարհը պիտի կազմեր 76 հազար կմ։
Մինչև վթարը նա հասցրել էր կտրել-անցնել որոշ երկրների տարածքներ Եվրոպայում և Աֆրիկայում։ Հարավային Ամերիկայում նա անցել էր Պերուի, Բոլիվիայի, Չիլիի, Արգենտինայի և Բրազիլիայի վրայով։
