«Նկարներ չենք վաճառում, շախմատ ենք խաղում ու տուն գնում»,- «Առաջին լրատվական»-ի հետ զրույցում նշեցին Սայրանի Վերնիսաժում իրենց կտավները վաճառող նկարիչները, ճարտարապետները: Նրանց խոսքով՝ եթե նկար վաճառում են, ապա զբոսաշրջիկի, բայց վերջերս նրանք էլ հետաքրքրություն չեն ցուցաբերում, իրանցիները ընդհանրապես գեղանկար չեն գնում:
Ճարտարապետ-նկարիչ Վլադիմիր Շահինյանը ընդգծեց, որ Հայաստանում շատերը կան, որ ցանկանում են որակյալ նկար ձեռք բերել, բայց հնարավորություն չունեն: «Գալիս է հասկացող մարդը, հիանում է, հետաքրքրվում, բայց գինը հարցնում կամ էլ չի հարցնում, որովհետև ինքը իրա վաղվա հացի մասին է մտածում, արվեստից հասկացող մարդը փող չունի, իսկ չհասկացող, կատեյներներով փող ունեցողներին էլ նկար պետք չի»,- ասաց նա:
Գեղանկարիչ Գալուստ Դարբինյանը նկատեց, որ ամենատարբեր գների նկարներ կան. կարելի նկար գնել անգամ ծաղիկների գնին համարժեք. «Ձմեռվա մեկ վարդի գնով կարող են նկար գնել, ուղղակի նկար գնելու մշակույթը մեզ մոտ զարգացած չի, վերանում է, հսկայական ծաղկեփունջ են գնում, ամենաշատը մի շաբաթ հետո դեն նետում, բայց նկար չեն գնում»,- շեշտեց նա:
Մանրամասները՝ տեսանյութում:
