ԱԻՄ առաջնորդ, նախագահի թեկնածու Պարույր Հայրիկյանն այլևս փոշմանելու հնարավորություն չունի, քանի որ դեպքից հետո ընտրությունները երկշաբաթյա ժամկետով հետաձգելու մասին դիմում կարող է ներկայացնել 8 օրվա ընթացքում:
Նշենք, որ Պարույր Հայրիկյանի ներկայացուցիչ փաստաբան Լևոն Բաղդասրյանն, այսօր փետրվարի 11-ին ժամը 12.25-ին Սահմանադրական դատարան դիմում է ներկայացրել’ հետ վերցնելով նախորդ օրը’ փետրվարի 10-ին ներկայացված դիմումը, որը վերաբերում էր ընտրությունները երկշաբաթյա ժամկետով հետաձգելուն:
Հիշեցնենք, որ հունվարի 31-ին` ժամը 23.30-ի սահմաններում Տպագրիչների փողոցի թիվ 9 շենքի բակում անհայտ անձը հրազենից կրակ է արձակել ՀՀ Նախագահի թեկնածու Պարույր Հայրիկյանի վրա` աջ անրակի շրջանում պատճառելով հրազենային վնասվածք:
Մահափորձի կապակցությամբ կան ձերբակալվածներ:
