Սիրիայի ազգային կոալիցիոն ըննդիմության ղեկավար Ահմեդ Մուազ Ալ-Խատիբը Կահիրեում հանդիպել է ՄԱԿ-ի և ԱՊԼ հատուկ հանձնակատար Լախդար Բրահիմիի հետ,- հաղորդում է «Էլ-Մայադին» արաբական հեռուստաալիքը:
Հանդիպման ընթացքում քննարկվել է Ալ-Խատիբի նախաձեռնությունը սիրիական իշխանությունների հետ բանակցություններ սկսելու վերաբերյալ:
Հիշեցնենք, որ հունվարի վերջին Մյունխենում Իրանի ԱԳՆ Ալի Աքբար Սալեհիի հետ հանդիպման ժամանակ Ալ-Խատիբը պատրաստակամություն հայտնեց բանակցություններ սկսել Սիրիայի կառավարության անդամների հետ Կահիրեում, Թունիսում կամ Ստամբուլում:
Բրահիմին այս նախաձեռնությունը համարեց «դրական»:
Սակայն մի քանի օր անց ընդդիմությունը հայտարարեց, որ Ասադի վարչակարգի հետ բանակցություններ վարելու խոսք անգամ չի կարող լինել:
Իսկ Սիրիայի փոխարտգործնախարար Ֆեյսալ Ալ-Միկդադն էլ, իր հերթին, հայտարարել է, որ Դամասկոսը մերժում է բանակցությունները սկսելու համար ընդդիմության առաջադրած բոլոր պայմանները:
