Out Of Town Affairs բրիտանական կայքը, որը հնարավորություն է տալիս արտաամուսնական սեռական կապեր ունենալ, վերջին ամսում բարձրաստիճան պաշտոնյաների հաճախման բարձր ցուցանիշ է գրանցել: Կայքի այցելուներ են նաև խորհրդարանի պատգամավորներն ու կառավարության անդամները:
Այս մասին կիրակի օրը գրել է The Daily Mail-ը:
Վերջին յոթ ամիսների ընթացքում խորհրդարանականների և նրանց օգնականների համակարգիչներից 52.375 մուտք է եղել այդ կայք:
Ամենաթեժ ամիսը Out Of Town Affairs-ի համար անցած դեկտեմբերն է եղել, երբ խորհրդարանականներն ու կառավարության անդամները այս ռեսուրսից ավելի շատ են օգտվել, քան ֆինանսների, արդարադատության և կրթության նախարարությունների կայքերից:
Out Of Town Affairs-ի սեփականատերերը խոստովանել են, որ շատ են զարմացել, երբ պարզել են, թե իրենց կայքը որքան տարածված է բարձրաստիճան պաշտոնյաների շրջանում: Սակայն նրանք հույս են հայտնել, որ չեն դառնա խորհրդարանականների կանանց ցասման օբյեկտը:
The Daily Mail-ը գրում է նաև, որ երբ պատգամավորները զբաղված չեն սիրային արկածներով, նրանք իրենց ազատ ժամանակը խաղաղամոլության, սոցիալական կայքերում վիրտուալ զրույցների և FarmVille և Mafia Wars տիպի համակարգչային խաղերի վրա են ծախսում:
