Իրանի միջուկային ծրագրի շուրջ ապագա համաձայնագրի ձևը դեռևս որոշված չէ: Այս մասին հայտարարել է Ւրանի փոխարտգործնախարար Աբաս Արախչին, գրում է RIA Novosti-ն:
«Մենք դեռևս ոչինչ չենք որոշել, մենք աշխատում ենք տարբեր օպցիաների շուրջ: Նպատակն է առաջընթաց ձեռք բերել և հանգել եզրափակիչ համաձայնագրի, սակայն մենք այդ փուլին դեռևս չենք հասել: Դեռևս վաղ է խոսել` արդյոք փաստաթո՞ւղթ, թե՞ հայտարարություն կստորագրվի»,- ասել է նա:
Իր հերթին Իրանի ատոմային էներգետիկայի կազմակերպության ղեկավար Ալի Ակբար Սալեհին հայտարարել է, որ Իրանը և «վեցնյակը» մոտ են միջուկային ծրագրի շուրջ տեխնիկական հարցերի լուծմանը:
«Ինչ վերաբերում է տեխնիկական հարցերին, մենք շատ կետերի շուրջ մոտեցել ենք ընդհանուր ըմբռնման, սակայն դեռևս մնում են հարցեր, որոնք անհրաժեշտ է լուծել, այսինքն`ընդհանուր ըմբռնում գտնել: Իհարկե, ոչ մի համաձայնագիր չի լինի, քանի դեռ ամեն ինչ համաձայնեցված չէ: Ընդհանուր ըմբռնում է ձեռք բերվել տեխնիկական հարցերի շուրջ, որոնք հաստատ կօգնեն քաղաքական հարցերի առաջընթացին, ինչպես նաև գործի իրավաբանական կողմին»,- ասել է նա:
