Վենեսուելայի իշխանություններն Ապուրե նահանգում անցկացրած օպերացիայի արդյունքում զավթել են թմրանյութով բեռնված օդանավ, որից առգրավել են ավելի քան մեկ տոննա կոկաին: Այս մասին հայտնում է Rosbalt-ը:
Փոքր օդանավը հայտնաբերել են Վենեսուելայի հակաօդային պաշտպանության ուժերը՝ Կոլումբիայի հետ սահմանի մոտ իրականացվող չգրանցված թռիչքի ժամանակ:
Հիշեցնենք, որ հունվարին Վենեսուելայի ազգային գվարդիան զավթել էր ոչ մեծ օդանավ, որում հայտնաբերվել էր 530 կգ կոկաին:
Օդանավը հայտնաբերվել էր Կոլումբիային սահմանակից Ապուրե նահանգում՝ վայրէջքի ժամանակ: Նախնական տվյալներով՝ անձնակազմը հասցրել է փախչել և թաքնվել մոտակա խիտ անտառում, սակայն բեռը թաքցնել չեն կարողացել:
