Apple-ը արտոնագրային դիմում է ներկայացրել՝ իր սարքավորումների արգելափակումը բացելու նոր միջոցի վերաբերյալ: Ինչպես գրում է մամուլը՝ ընկերությունը, ըստ երևույթին, կարծում է, որ iPhone սմարթֆոնների կամ iPad պլանշետների ներկայիս պաշտպանության միջոցը՝ PIN կոդի միջոցով, այնքան էլ հուսալի չէ:
Նրանք առաջարկում են այնպես անել, որ iPhone-ը մուտքագրման տողն այլևս ցույց չտա, իսկ փոխարենը լինի մարդու կամ առարկայի նկար: Օգտատերը, որպեսզի բացի արգելափակումը, պետք է բարձրաձայն ընկերոջ անունն արտաբերի կամ մուտքագրի: Բացի մարդկանցից՝ նկարը կարող է պատկերել նաև հազվադեպ հանդիպող կենդանիներ կամ վայրեր, որի մասին գիտի միայն սարքավորման տերը: Նկարները կարող են ցուցադրվել պատահական կարգով, և որքան դրանք շատ լինեն, այնքան ավելի բարձր կլինի անվտանգության մակարդակը:
Apple-ը դիմում է ներկայացրել ԱՄՆ արտոնագրային և ապրանքանշային բաժին դեռևս 2011թ. օգոստոսին:
