«Մեր Ուկրաինա» կուսակցությունն իր շարքերից հեռացրել է երկրի նախկին նախագահ Վիկտոր Յուշչենկոյին, որը ղեկավարել է այն:
Կուսակցության որոշման մասին շաբաթ օրը ճեպազրույցի ժամանակ հայտնել է «Մեր Ուկրաինայի» քաղխորհրդի ղեկավար Սերգեյ Բոնդարչուկը:
«Մեր Ուկրաինա»-ն համարում է, որ 2012-ի խորհրդարանական ընտրությունների ժամանակ Յուշչենկոյի որոշմամբ շրջկոմների և Ուկրաինական ազգային կուսակցության տեղամասերի և երկրի հարավային ու արևելյան շրջաններում «Մեր Ուկրաինայի» անդամները փոխարինվել են կառավարող Ռեգիոնների կուսակցության ներկայացուցիչներով, ինչը «զգալի վնաս է հասցրել կուսակցության հեղինակությանը»:
«Այսպիսի գործողություններով Վիկտոր Յուշչենկոն դավաճանել է «Մեր Ուկրաինա» կուսակցության ծրագրային գաղափարներին»,- նշված է քաղխորհրդի որոշման մեջ, որի մասին հայտնել է Բոնդարչուկը, փոխանցում է ITAR-TASS-ը:
