Բրիտանական CRUK բարեգործական կազմակերպությունը հրապարակել է վիճակագրական տվյալների վրա հիմնված հետազոտության արդյունքները: CRUK-ի կանխատեսմամբ՝ 2027-ին մոլորակի բնակչության կեսի մոտ կհայտնաբերվեն քաղցկեղային հիվանդություններ, հայտնում է internovosti.ru-ն:
Առաջիկա 15 տարում կավելանան աղիքների և շագանակագեղձի քաղցկեղով ու մելանոմայով հիվանդանալու դեպքերը:
Քաղցկեղով հիվանդանալու դեպքերի այսպիսի աճը բրիտանացի հետազոտողները բացատրում են տարիքով: Մարդկանց կյանքի տևողությունը զգալիորեն մեծանում է, իսկ դրա հետ մեծանում է նաև չարորակ ուռուցքների զարգացման հավանականությունը:
Գիտնականները պնդում են, որ քաղցկեղի բուժման շանսերը ևս կավելանան. կկատարելագործվի հիվանդությունների վաղ ախտորոշումը, բուժման նոր մեթոդներ կզարգանան: Քաղցկեղի վաղ ախտորոշումը զգալիորեն մեծացնում է դրա լիակատար բուժման հնարավորությունը:
Վերջին 10 տարում, Ռուսաստանի քաղցկեղային հետազոտական կենտրոնի տվյալներով, Ռուսաստանում քաղցկեղով հիվանդների թիվը մեծացել է մեկուկես անգամ: Քաղցկեղային հիվանդություններից մահացությունների պատճառների թվում նշում են ամենից առաջ ուշ ախտորոշումը:
