YouTube-ում բացարձակ ռեկորդային դարձած հարավկորեացի ռեփեր Psy-ի Gangnam style հիթը մրցակից ունի: Ի դեպ, այն նույնպես նկարահանվել է Հարավային Կորեայում: Տեղի զինակոչիկների կողմից կատարվող երգը երեք օրում արդեն 1.5 միլիոն դիտում է ունեցել՝ հայտնում է Reuters գործակալությունը:
Տեսանյութն իրենից ներկայացնում է «Թշվառները» օպերայի 13 րոպեանոց երգիծանք:
Զինվորի սիրային հարաբերությունների և ոչ հեշտ կյանքի մասին պատմող տեսանյութում 80 զորակոչիկ է մասնակցել: Տեսահոլովակի բյուջեն կազմել է 900 դոլար: Լրագրողները վստահ են, որ եթե հոլովակի ժողովրդականությունը առաջիկա շաբաթներին չընկնի, ապա այն շուտով կհայտնվի YouTube-ի ամենադիտված հոլովակների շարքում:
Տեսահոլովակը սկսվում է Կլոդ-Միշել Շոնբերգի օպերայի երաժշտության ներքո ձյան կույտերը կոտրելու աշխատանքներով: Սյուժեն զարգանում է մի զինվորի սիրո պատմության շուրջ: Աղջիկը գալիս է ծառայության մեջ գտնվող ընկերոջ մոտ, սակայն զինվորները խոչընդոտում են:
