Ճապոնական «Ֆուկուսիմա-1» ատոմակայանի հարևանությամբ սկսվել է պողպատե պատնեշի կառուցում, որը կանխելու է ռադիոակտիվ ջրերի արտահոսքը: 120 մետր երկարությամբ պարսպապատը կազմված է 7 պողպատե շերտերից և ծանր վարագույրից: Այն փակելու է երկրորդ ռեակտորի տարածքը, որտեղից արդեն նկատվել էր ռադիոակտիվ ջրերի արտահոսք:
Ատոմակայանի ղեկավարությունն այժմ փնտրում է հնարավոր այլ տեղեր, որտեղից կարող են ռադիոակտիվ ջրեր արտահոսել օվկիանոս: Մինչ այդ, նախօրեին ատոմակայանը 9 հազար տոննա ցածր ռադիոակտիվության ջուր է բաց թողել օվկիանոս, որպեսզի տեղ ազատվի բարձր ռադիոակտիվության ջրերի հավաքման համար:
