Եվրոպական խորհրդի նախագահ Հերման վան Ռոմպեյը Բրյուսելում Եվրամիության գագաթնաժողովի մասնակիցներին առաջարկել է 2014-2020թթ. բյուջեի նոր նախագիծ, որը նախատեսում է ծախսերը կրճատել մինչև 960 միլիարդ եվրոյով: Սա 13 միլիարդ եվրոյով ավելի քիչ է, քան նախատեսվում էր 2012թ. նոյեմբերին առաջարկված բյուջեի նախագծում, որի շուրջ ԵՄ երկրները չկարողացան համաձայնություն ձեռք բերել:
Բյուջեի շահութային մասն ակնկալվում է 908.4 միլիարդ եվրոյի մակարդակի վրա, հաղորդում է Bloomberg-ը: Այստեղ նվազումն ավելի կտրուկ է (34 միլիարդ եվրոյով) նոյեմբերյան կանխատեսումների համեմատությամբ:
Հիշեցնենք, որ Բրյուսելում մեկնարկել է Եվրամիության հերթական գագաթնաժողովը: Միջոցառման մասնակիցների հիմնական խնդիրն է համաձայնություն ձեռք բերել 2014-2020թթ. ԵՄ-ի բյուջեի վերաբերյալ:
Հիմնական տարաձայնությունները վերաբերում են մոտակա յոթ տարիների ընթացքում ԵՄ ծախսերի կրճատման հարցին: