Freedom House իրավապաշտպան կազմակերպությունը ԱՄՆ նախագահ Բարաք Օբամայի վարչակազմին կոչ է արել մերժել Ռուսաստանի հետ «վերբեռնման» քաղաքականության առանցքային դրույթները: Այս մասին հայտնում է «Ազատություն» ռադիոկայանը:
Օբաման պաշտոնավարման առաջին ժամկետում ձգտել է Ռուսաստանի հետ փոխադարձ համաձայնության՝ միևնույն ժամանակ հստակ գիտակցելով տարբերությունները, օրինակ՝ մարդու իրավունքների ոլորտում:
Ժողովրդավարամետ խումբը Օբամային խորհուրդ է տալիս կրկին՝ մտածել մինչ սեպտեմբերին G20-ի գագաթնաժողով մեկնելը, որտեղ նա հանդիպում կունենա Վլադիմիր Պուտինի հետ:
Կազմակերպությունը Վաշինգտոնին խորհուրդ է տվել դադարեցնել աջակցությունը Ռուսաստանին Տնտեսական համագործակցության և զարգացման կազմակերպությանը միանալու հարցում, եթե Պուտինը շարունակի քրեական հետապնդումները:
