Մեծահոգությունը մարդկային լավ որակ է, ընդ որում՝ այն նաև առողջարար է հենց իր՝ մեծահոգություն ցուցաբերող մարդու համար՝ հաղորդում է The Daily Mail-ը: Մայքլ Փոուլինի հնգամյա ուսումնասիրությունը, որն անցկացվել է 846 կամավորների շրջանում, ապացուցել է, որ մեծահոգի մարդիկ ավելի երկար են ապրում:
Պարզվում է, որ սթրեսային իրավիճակներում ուրիշներին օգնած մարդկանց մահացության թիվը ավելի փոքր է: Սթրեսային իրավիճակներ են հանդիսանում ծանր հիվանդությունները, կողոպտվելը, աշխատանքից հեռացվելը, ֆինանսական դժվարությունները կամ ընտանիքի անդամի մահը: Կամավորները պատմել են, թե այս ընթացքում որքան հաճախ են օգնել ընկերներին, հարևաններին կամ հարազատներին:
«Հինգ տարվա հետազոտությունների ընթացքում պարզվել է, որ մեծահոգի մարդիկ ավելի հեշտ են գլուխ հանում սթրեսներից, ինչը նվազեցնում է մահվան հավանականությունը»,- ասում է Փոուլինը:
