ԵՄ-ն դեռևս 2012-ին էր անվճարունակ: Այս մասին հայտարարել է Եվրախորհրդարանի ղեկավար Մարտին Շուլցը ԵՄ գագաթնաժողովի մամլո ասուլիսում: Այս մասին հայտնում է ITAR-TASS-ը:
«Դեռևս նոյեմբերին ինձ զանգահարել էր ֆինանսական պլանավորման և բյուջեի հարցերով եվրահանձնակատար Յանուշ Լևանդովսկին՝ հաղորդելու, որ միջոցները չեն բավականացնում մեր նոյեմբերյան և դեկտեմբերյան ծրագրերի համար: Անհրաժեշտ 9 միլիարդ եվրոյից հաջողվել է հատկացնել միայն 6-ը»,- ասել է Շուլցը: Այս ֆինանսական տարվա բյուջեում արդեն 16 միլիարդ դոլարի դեֆիցիտ կա, որը կպահպանվի, եթե Եվրահանձնաժողովը անդամ երկրների հետ համաձայնության չգա ավելացումների հարցում:
Նրա խոսքով՝ Եվրահանձնաժողովը չի կարող բյուջեի դեֆիցիտի կառուցվածքի աճ թույլ տալ: Նա կտրուկ դեմ է հանդես եկել գագաթնաժողովին քննարկելու 60 միլիարդ եվրոյի կառուցվածքային դեֆիցիտի 2014-2020թթ. ԵՄ ֆինանսական ծրագիրը:
Նա ընդգծել է, որ ԵՄ բազային համաձայնագիրը իրեն թույլ չի տա դեֆիցիտային բյուջե հաստատել:
Խոսելով հաջորդ 7 տարիների բյուջեի հաստատման մասին գագաթնաժողովում բանակցությունների հնարավոր ձախողումից՝ Շուլցը նշել է, որ այդ դեպքում բյուջեն կընդունվի տարեկան կտրվածքով՝ 2013-ի դրույթների հիման վրա:
