Հնդկաստանի գյուղերից մեկի բնակիչները սպանել են ընձառյուծին և կախել ծառերից այն բանից հետո, երբ կենդանին Ասամ նահանգում երեք մարդ է հոշոտել: Այս լուսանկարները նախօրեի երեկոյան են արվել, երբ ընձառյուծը մտել է գյուղացիներից մեկի տուն և հարձակվել նրա և ընտանիքի երկու այլ անդամների վրա: Ընտանիքի անդամները տագնապ են բարձրացրել, որից հետո կենդանին փորձել է փախչել, սակայն նրան բռնել և սպանել են:
Ընտանիքի վիրավոր անդամներին տեղափոխել են հիվանդանոց: Նրանց վիճակը ծայրահեղ ծանր է:
Տեղի բնակիչները հայտարարել են, որ իրենք տեղեկացրել են բնապահպաններին վայրի գազանի պահվածքի մասին, սակայն նրանց շատ ժամանակ է հարկավոր դեպքի վայր ժամանելու համար, այդ պատճառով էլ գյուղացիները սպանել են ընձառյուծին հետագա հարձակումները կանխելու համար:
Վերջին տարիներին ընձառյուծների հաճախակի հարձակումների պատճառով ավելացել է նրանց սպանելու դեպքերը: Ամենաշատ ընձառյուծներ սպանվել են 2008թ-ին:
2012թ-ին բնապահպանները զանգվածային տեղեկատվական քարոզչություն են անցկացրել, որը ողղված է ընձառյուծների սպանության կամ վնաս պատճառելու դեմ:
Իշխանությունները մարդկանց խնդրել են հարձակվելու փոխարեն անմիջապես տեղեկացնել անտառապահներին, եթե նրանք վայրի գազաններ կնկատեն անտառներից կամ ազգային արգելանոցներից դուրս:
