ԱԻՄ անդամները` Պարույր Հայրիկյանի գլխավորությամբ, ինչպես նաև մի շարք ՀԿ-ների ներկայացուցիչներ ակցիա էին իրականացնում արտաքին գործերի նախարարության առջեւ: Նրանք Էդվարդ Նալբանդյանին ուղարկեցին նաև դիմում, որում պահանջում էին 1921թ. մարտի 16-ին Մոսկվայում ստորագրված ռուս-թուրքական պայմանագրի մասով դիվանագիտական և միջազգային-իրավական լծակներով ՌԴ-ից և Թուրքիայից պահանջել իրենց պայմանագրերում հրաժարվել Հայաստանին վերաբերող դրույթներից: Նրանք երթով շարժվեցին նաև դեպի ՌԴ դեսպանատուն և այնտեղ ևս դիմում ներկայացրեցին:
«Առաջին լրատվական»-ի հետ զրույցում Պարույր Հայրիկյանը ասաց, որ Լենին-Աթաթուրք պայմանագիրը պետք է քաղաքական աղբանոցը նետվի, և ՌԴ այն քաղաքական գործիչները, ովքեր արդարամիտ են, պետք է ուշադրություն դարձնեն այն իրողությանը, որ 1915-1923 թթ. տեղի ունեցած ողբերգության կայացման և հայության հայրենազրկման գործում մեծագույն բացասական դերակատարում է ունեցել հենց վերոնշյալ պայմանագիրը: Ըստ նրա`այն ի սկզբանե անվավեր է եղել, քանի որ հակասում է միջազգային իրավունքի դրույթներին:
Մանրամասները՝ տեսանյութում
