«Ազգային համաձայնություն» կուսակցության նախագահ, առայժմ նախագահի թեկնածու Արամ Հարությունյանը պատրաստվում է այցելել Անդրիաս Ղուկասյանին, այնուհետև ԿԸՀ-ի շենքի դիմաց մեկօրյա հացադուլ անել՝ սպասելով մյուս թեկնածուներին: Այս մասին «Առաջին լրատվական»-ի հետ զրույցում ասաց Ա. Հարությունյանը՝ հավելելով, որ ոչինչ չի կարող փոխել ինքնաբացարկ հայտնելու իր որոշումը:
Մեր այն հարցին, թե հնարավո՞ր է Պարույր Հայրիկյանի՝ ՍԴ դիմելու և ընտրությունները երկշաբաթյա ժամկետով հետաձգելու դեպքում, այնուամենայնիվ, մտափոխվի, Ա. Հարությունյանը պատասխանեց. «Ո՛չ, դա ինձ հետ կապ չունի, ես իմ որոշումների մեջ հաստատակամ եմ: Եթե դիմում է Սահմանադրական դատարան, թող դիմի, ես միևնույն է՝ ինքնաբացարկ եմ հայտնելու, և նույնն էլ հորդորում եմ մյուս թեկնածուներին»:
Լուսանկարը՝ PanARMENIAN Photo-ի
