Apple-ը համակարգիչների շուկայում համաշխարհային առաջատար է դարձել պլանշետների հաշվարկով: 2012 թվականի վերջին եռամսյակում կալիֆոռնիական ընկերությունը անձնական համակարգիչների շուկայում առաջատար տեղ է զբաղեցրել: Այս մասին ասվում է Canalys վերլուծական ընկերության հետազոտությունում՝ հայտնում է Vesti-ն:
Համաձայն հետազոտության տվյալների՝ առաջին տեղում Apple-ն է՝ իրացված 27 միլիոն ապրանքով: Նրան բաժին է ընկնում անձնական համակարգիչների շուկայի 20 տոկոսը: Apple-ի ներկայացուցիչների խոսքով՝ ներկայացված թվի 22.9 միլիոնը բաժին է ընկնում iPad պլանշետին, 4.1 միլիոնը՝ Мас համակարգչին:
Երկրորդ տեղում ամերիկյան HP-ն է՝ 15 միլիոն իրացված արտադրական ծավալով: Ընկերությանը բաժին է ընկնում շուկայի 11 տոկոսը: Երրորդ տեղում է չինական Lenovo-ն (14.8 մլն, զբաղեցնում է շուկայի 11 տոկոսը): Հնգյակը եզրափակում են կորեական Samsung-ն ու ամերիկյան Dell-ը: Նրանք զբաղեցնում են շուկայի համապատասխանաբար՝ 9 և 7 տոկոսները՝ 11.7 և 9.7 միլիոն սարքի վաճառքով:
