Վենեսուելայում նոր նախագահական ընտրությունները, որտեղ հնարավոր է՝ ընտրվի Ուգո Չավեսի հետնորդը, կարող են տեղի ունենալ մարտի 31-ին,- հաղորդում է Nacional պարբերականը:
Ըստ պարբերականի տվյալների՝ նոր ընտրությունների անցկացումը կապված է Չավեսի հիվանդության հետ և արդեն քննարկվում է հարավամերիկյան երկրի ընտրական իշխանությունների մակարդակով: Միևնույն ժամանակ, թերթը նշում է, որ կազմակերպության՝ ընտրությունների նախապատրաստվելու ոչ մի նշան դեռ չկա, այդ պատճառով չի բացառվում, որ նոր ընտրությունները կարող են տեղափոխվել և ավելի ուշ ժամանակի:
Nacional-ը հաղորդում է, որ ընտրությունների հայտարարության ամսաթիվը ուղիղ կերպով կապված է լինելու Չավեսի առողջական վիճակի և Վենեսուելա հավանական վերադարձի հետ: 2012 թ. դեկտեմբերին Չավեսը իրեն փոխարինող է հայտարարել երկրի փոխնախագահ Նիկոլաս Մադուրոյին և քաղաքացիներին կոչ է արել անհրաժեշտության դեպքում քվեարկել նրա օգտին:
Univision հեռուստաալիքը ավելի վաղ հաղորդել էր, որ Վենեսուելայի իշխանությունները պատրաստվում են հավանական ընտրությունների անցկացման սցենարի մշակմանը: